Inspektorët e Komunës së Drenasit, ne bashkëpunim me Policinë e Drenasit, sot kanë konfiskuar produkte të mishit të cilat ishin duke u transportuar në mënyrë ilegale dhe në kushte jo adekuate e higjienike dhe pa dokumentacion të duhur të prejardhjes dhe transportit.
Sipas Komunës së Drenasit me këtë rast janë marrë të gjitha masat ligjore ndaj transportuesit i cili ishte kombi-bus për transport të udhëtareve dhe kishte shfrytëzuar automjetin e tij në mënyrë ilegale për transport të produkteve ushqimore.
“Drejtoria e Inspekcionit është duke bërë inspektime të vazhdueshme për të rritur sigurinë e përdorimit të produkteve ushqimore në subjektet afariste-hoteliere gjatë sezonit veror për të mirën e qytetarët e Komunës së Drenasit”.
“Kërkojmë nga qytetarët të bashkëpunojnë me inspektorët komunal dhe policinë që nëse hasin në një dukuri të tillë, të lajmërojnë organet përkatëse”, thonë nga Komuna e Drenasit.
