Evropa po bëhet një qendër në tregtinë e kokainës, sipas një analize të agjencisë evropiane të policisë, Europol.
”Më shumë kokainë po dërgohet në Evropë nga Amerika e Jugut”, theksoi zëdhënësi i Europol, Jan Op Gen Oorth.
Sasi rekord droge të sekuestruara janë tregues i rritjes së trafikut.
Sipas të dhënave paraprake, vitin e kaluar u sekuestruan të paktën 240 tonë kokainë.
”Portet në Belgjikë, Holandë dhe Spanjë kryesojnë listën”, sipas Europol.
Për krahasim, rreth 214 tonë kokainë u kapën në vitin 2020.
Por’ edhe portet më të vogla, si Hamburgu, po përdoren gjithnjë e më shumë nga bandat kriminale, ku një rekord prej 19,1 tonë u kapën vitin e kaluar.
”Sa kokainë arrin në Evropë është e vështirë të thuhet. Le të supozojmë se 2 000 tonë kokainë prodhohen çdo vit vetëm në Kolumbi”, tha zëdhënësi dhe më shumë se 60% e saj dërgohet në Evropë.
Sipas Europol, vetëm një pjesë e drogave konsumohen në BE.
”Shumica e kokainës transportohet nga BE-ja në Evropën Lindore, Azi dhe Australi”, sipas raportit të fundit të kokainës nga autoriteti policor dhe Qendra Evropiane e Monitorimit për Drogën dhe Varësinë nga Drogat. /atsh