FSK-ja pjesë e kampit ndërkombëtar të nënoficerëve në Kroaci

Kampi veror ndërkombëtar i nënoficerëve, që ka filluar më 29 gusht dhe do të përfundojë më 6 shtator këtë vit po mbahet në Kroaci.

Pjesëmarrës në këtë kamp janë ushtarakët nga  vendet e NATO-s  dhe nga vendet partnere.

Qëllimi i kampit është që të përgatitën nënoficerët e lartë me shkathtësi të udhëheqjes dhe  funksioni i tyre në operacione ndërkombëtare.

Sivjet Forca e Sigurisë së Kosovës po merr pjesë me dy nënoficerë: kapter Xhevat Llumnica dhe kapter Shpresa Gashi.

Ndërkaq, rreshter majori i FSK-së, Genc Metaj, mori pjesë në cilësinë e ligjëruesit, i cili më  30 gusht ka ligjëruar temën: “Udhëheqja dhe sfidat në udhëheqjen transformuese”.