Një grua muslimane që mbante veshur burkini dhe po lahej në një pishinë publike është obliguar të paguajë një gjobë të konsiderueshme, për të “financuar shpenzimet e pastrimit të pishinës”.
Gruaja e quajtur Fadila, po kalonte pushimet me familjen e saj në Marsejë të Francës, por cfarë pushimesh të tmerrshme mund të kenë qenë ato. Pasi ajo hyri në ujë, një punonjës i pishinës i largoi të gjithë nga pishina, dhe më pas i faturoi gruas një shumë prej 490 eurosh pasi gjoja se ajo kishte ndotur pishinën duke qenë me rroba.
“Unë u habita, sepse askush nuk më ndaloi apo nuk tha asgjë fare”, tha Fadila për organizatën bamirëse “United Against Islamophobia in France (CCIF)”. Jam e zhgënjyer, e tronditur, dhe e lënduar nga fakti se dikush mund të jetë kaq hipokrit dhe i lig, është burkini, asgjë tjetër… ”
Verën e kaluar, gjoba të ngjashme iu imponuan grave me burkini në qytetin jugor francez të Kanës.
Gjykata më e lartë administrative e Francës më vonë vendosi se “ndalimi i burkinëve” që zbatohej në plazhet e vendit ishte i paligjshëm dhe shkelje e lirive themelore. /MESAZHI/
