Drejtori i të ashtuquajturës Zyre Serbe për Kosovën në Qeverinë e Serbisë, Marko Gjuriq, do ta vizitojë sot Kosovën.
Gjatë vizitës në Kosovë do të qëndrojë mesnatën e së shtunës edhe në Manastirin e Bansjksës në Zveçan.
Atje, Gjuriq do të marrë pjesë në Liturgjinë e festës së Pashkëve.
Ky informacion është konfirmuar për Klan Kosovën nga zyra e Gjuriq.
Kjo do të jetë edhe vizita e parë e zyrtarit serb pas arrestimit të tij në Mitrovicën Veriore më 26 mars për shkak se kishte hyrë në Kosovë pa leje, njofton Klan Kosova.
Për dallim nga vizita e kaluar, kësaj radhe Gjuriq është lejuar nga Ministria e Jashtme e Kosovës të qëndrojë për dy ditë në Kosovë me rastin e festës së Pashkëve Ortodokse.
