Izraeli përfundimisht po e mbyllë Al Jazeeran

Tel-Avivi njoftoi se përfundimisht do ta mbyllë zyrën e kanalit informativ “Al Jazeera”, pasi sipas autoriteteve izraelite, ky kanal ka gisht në gjoja se “nxitje” të dhunës, deklaroi Ministria e Komunikacionit.

Izraeli e akuzon prej vitesh televizionin “Al Jazeera” për njëanshmëri në pasqyrimin e konfliktit kundër palestinezëve, por ne fakt Al Jazeera ka qenë i vetmi medium që ka pasqyruar vuajtjet e palestinezeve në Gaza dhe Bregun perëndimor.

 Ministria do të kërkojë në veçanti anulimin e akreditimit të gazetarëve dhe ndërprerjen e lidhjeve kabllore dhe satelitore të kanalit televiziv, thuhet në deklaratën e ministrisë.

Gjithashtu, ministri i Sigurisë së Brendshme do të fillojë një procedurë për mbylljen e zyrave të televizionit.

Autoritetet izraelite do të përpiqen të kufizojnë kapacitetet transmetuese të televizionit me lidhje satelitore “të hapura që i mundësojnë shumicës së komunitetit arabo izraelit të shohë televizionin “Al Jazeera”, shtoi Ministria e Komunikacionit pa dhënë detaje të tjera.