Izraeli ka shënjestruar sërish Libanin me sulme ajrore, duke vazhduar sulmet pavarësisht marrëveshjes së armëpushimit, transmeton Anadolu.
Në një deklaratë nga ushtria izraelite thuhet se sulmet ajrore u kryen në Liban me arsyetimin se Hezbollahu kishte shkelur armëpushimin.
Ushtria izraelite pretendon se shënjestrat përfshinin një depo armësh dhe një fabrikë prodhimi armësh të përdorur nga Hezbollahu për të rindërtuar infrastrukturën e tij dhe për të forcuar aftësitë e tij ushtarake. Ushtri izraelite thotë se u goditën raketa-hedhës dhe struktura ushtarake.
Sulmet kishin në shënjestër zona të ndryshme, por nuk u dhanë vendndodhjet specifike. Mediat libaneze raportuan se sulmet izraelite kishin në shënjestër jugun e vendit dhe luginën Bekaa në lindje.
Më parë u raportua se ushtria izraelite hyri në qytetin Yarun në jug të Libanit, duke shpërthyer eksplozivë në një ndërtesë dhe duke vënë zjarr me fishekzjarrë.
– Pavarësisht armëpushimit, sulmet dhe pushtimi izraelit vazhdojnë
Izraeli nisi sulme ndaj Libanit në tetor 2023, të cilat u përshkallëzuan në një luftë në shkallë të gjerë në shtator 2024. Më shumë se 4.000 njerëz u vranë në luftë dhe rreth 17.000 u plagosën.
Pavarësisht marrëveshjes së armëpushimit të arritur midis Libanit dhe Izraelit më 27 nëntor 2024, Izraeli thuhet se e ka shkelur armëpushimin mijëra herë. Izraeli ende i mban të pushtuara pesë kodrat të cilat i pushtoi në Liban pas 8 tetorit 2023 dhe ruan praninë në disa zona që i ka mbajtur për dekada.
Ministria e Shëndetësisë ka njoftuar se 331 persona u vranë dhe 945 u plagosën në sulmet izraelite ndaj Libanit midis 27 nëntorit 2024 dhe 20 nëntorit 2025, duke shkelur armëpushimin.
