
Katari dhe Jordania kanë dënuar veprimet e Izraelit në territorin sirian, duke i cilësuar ato si shkelje të sovranitetit të Sirisë dhe të së drejtës ndërkombëtare.
Ministria e Jashtme e Katarit tha se Izraeli po vazhdon punimet në linjën Sofa 53, e njohur edhe si “Stuhia e Madhe”, një rrugë ushtarake e shoqëruar me barriera dhe llogore që Izraeli ka ndërtuar në zonën rurale të Kunetrës që nga viti 2022.
Punimet ndodhen brenda zonës tampon të përcaktuar nga Marrëveshja e Shkëputjes së Forcave e vitit 1974.
Katari i cilësoi veprimet izraelite si “shkelje flagrante” të sovranitetit të Sirisë, shkelje të së drejtës ndërkombëtare dhe një kërcënim serioz për sigurinë rajonale.
Edhe Jordania dënoi rifillimin e operacioneve izraelite, duke e cilësuar atë si “shkelje flagrante” të sovranitetit sirian dhe shkelje të hapur të së drejtës ndërkombëtare. /mesazhi







