Trajneri Juergen Klopp ka bërë të ditur se dëshiron që sulmuesi Roberto Firmino të mbetet pjesë e Liverpoolit edhe përtej këtij sezoni. Së fundmi, është raportuar se Firmino mund të largohet nga Liverpooli, pasi kontrata me ekipin anglez i skadon në verë.
Klopp ka insistuar se braziliani është një lojtar i rëndësishëm për ekipin e tij dhe për këtë arsye dëshiron që Firmino të qëndrojë.
“E kam thënë edhe më herët dhe po e them edhe tani se dua që Firmino të mbetet këtu”, ka insistuar Klopp.
Firmino, 31-vjeçar, është pjesë e Liverpoolit prej vitit 2018, kur iu bashkua nga Hoffenheimi, ndërsa këtë sezon ka shënuar nëntë gola dhe ka bërë katër asistime në 21 paraqitje në të gjitha garat.
