Koreja e Jugut regjistroi këtë vit korrikun e dytë më të nxehtë të regjistruar ndonjëherë, ndërsa vendi u përfshi nga valë të forta nxehtësie dhe netë tropikale, njoftoi Administrata Meteorologjike Koreane (KMA), transmeton Anadolu.
Temperatura mesatare e vendit në korrik ishte 27,1 gradë Celsius, menjëherë pas rekordit prej 27,7 gradë Celsius të arritur në korrik 1994, njoftoi Agjencia e Lajmeve Yonhap, duke cituar KMA-në.
Vendi përjetoi 14 ditë me valë të nxehtësisë, të përcaktuara si temperatura maksimale ditore mbi 33 gradë Celsius, duke shënuar shifrën e tretë më të lartë për korrikun pas 17 ditëve në vitin 1994 dhe 15 ditëve në vitin 2018.
Koreja e Jugut gjithashtu regjistroi 6 netë tropikale muajin e kaluar, duke shënuar shifrën e katërt më të lartë të regjistruara ndonjëherë.
Temperaturat përvëluese filluan në fillim të korrikut, të nxitura nga ndikimi i presionit të lartë të Paqësorit të Veriut, ndërsa u intensifikuan më vonë me ndikimin e shtuar të temperaturës maksimale tibetiane.
Pavarësisht nxehtësisë ekstreme, Koreja e Jugut pati gjithashtu 249 m
