Lirohet rruga Mitrovicë-Zveçan

Rruga Mitrovicë-Zveçan e cila ishte bllokuar pas rrëshqitjes së dheut, tashmë është liruar.

Lajmin për Klan Kosovën e ka konfirmuar zëdhënësi i Policisë Rajonale të Mitrovicës, Avni Zahiti.

Kështu kishte paralajmëruar Ministria e Infrastrukturës të cilët sot ndërmorën masa sigurie duke vendosur shkëmbinj masivë në qoshe të rrugës, për ta parandaluar rënien e dheut në rrugë nga ku do të rrezikoheshin veturat.

Ata po ashtu kanë njoftuar se në ditët në vijim do të marrin edhe masa tjera për eliminimin e tërësishëm të rrezikut.