Franca ka një rol dhe përgjegjësi politike në gjenocidin ruandas të grupit etnik Tutsi në vitin 1994, tha të enjten presidenti francez, Emmanuel Macron në kryeqytetin e Ruandës, Kigali, transmeton Anadolu Agency (AA).
Ai i bëri deklaratat në fjalimin në memorialin e gjenocidit, vendi i prehjes përfundimtare të mbi 250 mijë viktimave të gjenocidit.
Macron kërkoi falje, por nuk arriti të kërkonte shfajësim. Ai shtoi se Franca doemos duhet të njohë vuajtjet e shkaktuara në Ruandë përmes heshtjes së saj.
Macron arriti në vendin e Afrikës Lindore mëngjesin e së enjtës. Ai është presidenti i parë francez që nga viti 2010 që viziton Ruandën.
Në gjenocidin, midis 7 prillit dhe 15 korrikut të vitit 1994, rreth një milion njerëz, kryesisht nga grupi etnik Tutsi dhe Hutusët e moderuar, u vranë për një periudhë prej 100 ditësh. /aa/tch
