Manchester City ka fituar derbin ndaj Arsenalit.
Man City mposhti 4:1 skuadrën e Arsenalit, shkruan lajmi.net.
Pjesa e parë në këtë takim u mbyll 2:0 në favor te vendasve.
Kevin de Bruyne në minutën e 7’ dhe John Stons në minutat shtesë shënuan golat në 45 minutat e parë.
Mundësi të mira shënimi kishte edhe ylli i Cityt, Erling Haaland.
Në një rast gjuajti jashtë, kurse një tjetër i priti Aaron Ramsdale.
Arsenali në 45 minutat e parë nuk bën asgjë.
Asnjë goditje nuk ishte drejt portës së Ederson.
I rrezikshëm ishte në një rast Thomas Partey, por edhe ai gjuajti jashtë.
Edhe në pjesën e dytë Man City ishin dominues në çdo aspekt të lojës.
Ata madje shënuan edhe golin e tretë.
Pas një aksioni të ndërtuar mirë, vendasit tundën rrjetën e mysafirëve.
Kevin de Bruyne ishte ai që konkretizoi në gol aksionin e tyre, pas asistimit të Erling Haaland.
Golin e nderit për Arsenal e shënoi Rob Holding në minutën e 86’ të ndeshjes.
Kjo ishte e tëra që ‘Topçinjtë’ arritën të bëjnë në këtë takim.
Gol në këtë përballje shënoi edhe kush tjetër pos yllit të Cityt, Haaland.
Norvegjezi tundi rrjetën e Arsenal në kohën shtesë.
Me këtë fitore Man City ndodhen në vendin e dytë, me dy pikë më pas se Arsenali, por ekipi i Pep Guardiolës ka dy ndeshje më pak të zhvilluara.
