Marka e veturave luksoze, Mansory, ka shfaqur imazhet e pazakonta se si mund të duket një veturë fluturuese e së ardhmes.
Gjatë një deklarate për shtyp në vitin 2023, ata i kujtuan klientëve të tyre arritjet e vitit që lamë pas, dhe planet për vitin 2024.
Kompania ka bërë të ditur se gjatë vitit 2024 do të ketë disa konvertime të modeleve, Rolls-Royce Spectre, Lamborghini Revuelto, dhe Ferrari Purosangue.
Sidoqoftë, ajo që u duk më interesante ishte “vështrimi nga e ardhmja”, ku Mansory prezantoi pamjen e një veture fluturuese.
“Askush nuk e di se si do të duket e ardhmja. Një gjë është e sigurt – gjithmonë do të ketë vetura dhe dëshira për përmirësime”, tha Mansory.
