Maqedonia ka shënuar fitore ndaj Gjermanisë, pasi e mposhti atë me rezultat 2-1.
Goran Pandev hapi serinë e golave në këtë ndeshje, pas një asistimi nga Enis Bardhi në minutën e 45, raporton lajmi.net.
Ilkay Gundogan barazoi shifrat në pjesën e dytë 63′, mirëpo nuk ishte e mjaftueshme pasi Maqedonia shënoi një gol tjetër.
Elif Elmas shënoi në minutën e 85-të, për t’i dhënë epilogun përfundimtar ndeshjes.
Me këtë fitore, Maqedonia ëshë në vendin e dytë me pikë të barabarta me Gjermaninë, derisa në vendin e parë në grupin J është Armenia.
