Sulmuesi argjentinas do të vazhdojë të mbetet pjesë e gjigantit italian.
Lautaro Martinez ka kontratë aktuale me Interin deri në qershor të vitit 2023, transmeton lajmi.net.
Megjithatë, futbollisti tashmë ka arritur marrëveshje me drejtuesit e klubit për rinovimin e kontratës.
Sipas gazetarit Fabrizio Romano, Martinez tashmë ka nënshkruarë kontratën e re me ‘Nerazzurët’.
Marrëveshja është kompletuar dhe dokomentet janë nënshkruarë mëngjesin e sotëm, marrëveshja do të bëhet zyrtare ditët e ardhshme.
Me kontratën e re argjentinasi do të mbetet pjesë e gjigantit italian deri në vitin 2026, ndërsa i është larguar klauzola e largimit prej 111 milionë euro që e kishte në kontratën e mëparshme.
24-vjeçari, këtë edicion ka realizuar pesë gola e një asistim në 12 ndeshje të luajtura në të gjitha garat.
