Masa të reja anti-COVID në Amerikë

Qendrat Amerikane për Kontrollin dhe Parandalimin e Sëmundjeve (CDC) kanë lehtësuar masat anti-COVID.

Ato kanë hequr rekomandimin për qytetarët amerikanë që të izolohen nëse bien në kontakt të ngushtë me një person të infektuar, raporton CNN. Agjencia amerikane e shëndetësisë njoftoi gjithashtu se mbajtja e një distancë prej të paktën dy metrash nga të tjerët nuk është më e detyrueshme.

CDC shpjegoi se vendosi t’i bënte këto ndryshime sepse për më shumë se dy vjet e gjysmë që nga fillimi i pandemisë, pothuajse e gjithë popullata amerikane ka fituar njëfarë niveli imuniteti, qoftë nëpërmjet vaksinimit ose nga infeksioni.

Rekomandimi për të mbajtur maska ​​në ambiente të mbyllura ende vlen në rreth gjysmën e vendit, ku mendohet se ka një shkallë të lartë të transmetimit në komunitet.

Rekomandimet e CDC-së vlejnë për të gjithë qytetarët amerikanë, por ndryshimet mund të jenë veçanërisht të rëndësishme për shkollat, të cilat fillojnë mësim këtë muaj në shumë pjesë të vendit. /euronews