Të paktën 114 migrantë të parregullt u ndaluan në dy operacione të ndara në brigjet e Tunizisë, njoftoi të dielën Ministria e Mbrojtjes së këtij vendi, transmeton Anadolu Agency (AA).
Rreth 101 migrantë të parregullt që tentonin të arrinin në Evropë u ndaluan në brigjet Sfax nga forcat detare të vendit, theksoi ministria.
Ata u dërguan në Sfax për të filluar procedurat ligjore.
Në një operacion të veçantë, 13 migrantë të parregullt, dy prej tyre gra, u ndaluan në brigjet e ishullit Djerba.
Migrimi i parregullt në Evropë vazhdon për shkak të krizës ekonomike dhe humanitare në shumë vende të rajonit. /aa