Lionel Messi është rikthyer të stërvitet me skuadrën dhe kaq mjafton për t’i kthyer buzqeshjen Barcelonës në prag të rifillimit të kampionatit.Messi dha një shenjë se dëmtimi që e la disa ditë pa stërvitjen javën e kaluar duket se është lënë pas krahëve dhe është bashkuar me grupin.
Messi nuk do ta humbte rifillimin e kampionatit teksa Barça do të luaje të shtunën në fushën e Mallorcas. Sot gazeta katalanase Sport i bëri jehonë rikthimit të dyshes Suarez Messi të cilët mezi presin të zbresin në fushë. Në stërvitjen e fundit të dy ishin të qeshur dhe ky është një lajm shumë i mirë për trajnerin Setien sepse dyshja më letale jo vetëm e La Ligas është gati për të luajtur në një sezon që i ka të gjithë objektivat e hapur.
Messi në këtë kampionat ka shënuar 19 gola dhe është më i miri deri tani me 5 gola më shumë se Benzema. Ky është një tjetër objektiv që ai kërkon për t’u shpallur golashënuesi i kampionatit për të 7-in vit radhazi.
Ndërkohë sipas asaj që shkruan Mundo Deportivo braziliani Neymar i ka rrëfyer shokëve të Paris Saint Germain se do te kthehet te Barcelona por vështirë se këtë verë mund të realizohet një levizje e tillë aq më shumë Barcelona i ka arkat bosh. Për momentin Barcelona është e fokusuar tek kontrata e Messit kampionati dhe Champions League por afrimi i Neymar për momentin mund ta ndihmojë vetëm për t’i plotësuar dëshirat Messit dhe ta çojë të firmosë kontratën e jetës.