Nuk është e qartë sesa punonjës janë prekur nga raundi më i fundit, por shkurtimet edhe njëherë tjetër kanë shkuar drejt roleve që skanë të bëjnë me inxhinierinë.
Meta ka filluar një raund tjetër shkarkimesh ndërsa kompania vijon përkushtimin e saj ndaj “vitit të efikasitetit.”
Shkurtimet më të fundit janë raundi i tretë i largimeve nga puna. Kompania pritet të largojë 10 mijë punonjës përgjatë tre raundeve.
Nuk është e qartë sesa punonjës janë prekur nga raundi më i fundit, por shkurtimet edhe njëherë tjetër kanë shkuar drejt roleve që skanë të bëjnë me inxhinierinë.
Njerëz në marketing, komunikim dhe rekrutim kanë humbur vendet e punës sipas Reuters. Meta do shkurtojë 500 vende pune në Irlandë, ose afro 20 përqind të fuqisë punëtore në këtë vend.
Vitin e kaluar Meta nisi duke larguar 11 mijë punonjës ndërsa shefi ekzekutiv i kompanisë Mark Zuckerberg i përshkroi si vendimet më të vështira në historinë e Meta por të domosdoshme për të ecur përpara.
Shkurtimet e dyta të vendeve të punës që nisën në Mars të 2023 çuan në 21 mijë në total numrin e të larguarve. Shkurtimet e Meta kanë qenë ndër më të lartat në industri por nuk është e vetmja që ka marrë masa drastike. Amazon, Google dhe Microsoft kanë reduktuar fuqinë e tyre punëtore në mënyrë dramatike.
