Kampioni në fuqi i Italisë, AC Milan, i është rikthyer fitoreve në Serie A.
Kuqezinjët mposhtën sonte në San Siro skuadrën e Torinos me rezultat minimal 1-0, shkruan IndeksOnline.
Golin e vetëm në ndeshje e ka shënuar Olivier Giroud në minutën e 62-të.
Skuadra e Milanit kishte shtatë ndeshje pa fitore në të gjitha garat, që nga fitorja me Salernitanën me 4 janar.
Me këtë fitore ”Rosoneret” ngriten në vendin e tretë në tabelë me 41 pikë, ndërsa Torino mbetet në vendin e shtatë me 30 pikë.
