Miliarderi kinez burgoset për 13 vjet

Një miliarder kinez-kanadez është dënuar me 13 vjet burg në Kinë dhe kompania e tij është gjobitur me më shumë se 8 miliardë dollarë.

Xiao Jianhua dhe kompania e tij “Tomorrow Holdings” u akuzuan për përvetësim dhe ryshfet, raportoi BBC të premten.

Xiao – një nga njerëzit më të pasur të Kinës – u pa për herë të fundit duke u larguar nga një hotel luksoz në Hong Kong në vitin 2017.

Që atëherë nuk kishte asnjë fjalë zyrtare nga ai, derisa ambasada kanadeze tha në korrik se ai do të përballej me gjyqin.

Gjyqi u tha se filloi më 4 korrik.

Gjykata tha se Xiao dhe kompania e tij e kishin pranuar fajin dhe kishin bashkëpunuar me autoritetet dhe kështu dënimi i tyre ishte zbutur.

Xiao thuhet se kishte lidhje të ngushta me nivelet e larta të Partisë Komuniste në pushtet, duke përfshirë edhe familjen e presidentit Xi Jinping. /koha