Kryediplomatja kosovare, Donika Gërvalla dhe ai maqedonas, Bujar Osmani po marrin pjesë sot në Forumin Strategjik të Bledit në Slloveni.
Kryediplomati maqedonas, Osmani ka publikuar foto nga Bledi i Sllovenisë dhe ka informuar se në fokus është integrimi evropian i vendeve të rajonit si përcaktim strategjik dhe synim i politikës së jashtme.
‘’Në margjina të Forumit Strategjik të Bledit, mëngjes pune organizuar nga Ministrja e Punëve të Jashtme e Sllovenisë, Tanja Fajon, së bashku me Ministrat e Punëve të Jashtme të Kosovës, Donika Gërvalla- Schëartz, të Bosnjës dhe Hercegovinës, Elmedin Konakovic, të Kroacisë, Gordan Grliç Rаdman, zëvendësministren e Punëve të Jashtme të Shqipërisë, Megi Fino, si dhe përfaqësuesit special për Ballkanin Perëndimor të Sllovenisë, Azhej Frangesh, i Norvegjisë, Arne Sanes Bjornshtad, i Britanisë së Madhe, Lordi Stjuart Piç dhe i Austrisë, Johannes Ajgner. Në fokus: Integrimi evropian i vendeve të rajonit si përcaktim strategjik dhe synim i politikës së jashtme’’, ka shkruar Osmani.
Theksojmë se sot Ministrja e Punëve të Jashtme të Kosovës, Donik Gërvalla do të marrë pjesë në panelin “Ballkani Perëndimor: ‘’Gjithçka po ndryshon, por gjithçka mbetet e njëjtë”,ku do të përballët me homologun e saj serb, Ivica Daçiq.
