Ministri i Punëve të Brendshme, Flamur Sefaj, ka thënë se debati që po bëhen në Kuvend lidhur me gjuajtjen me armë të zv.kryeministrit Gashi, është përzierje në sistemin e drejtësisë.
Sefaj thotë se Policia e ka kryer detyrën dhe janë proceduar të gjitha veprimet e nevojshme të këtij rasti e tani lënda është në duart e prokurorisë.
“Policia ka kryer detyrën e vet ka proceduar të gjitha veprimet, lënda ne duar të prokurorisë, të gjithë ata që kanë marr pjesë duhet të trajtohen nga sistemi i drejtësisë pastaj nga ai politik”, tha ai.
Sipas tij, kjo temë nuk duhet të trajtohet me terminologji folklorike se në raste të tilla ka pasur edhe viktima.