Protesta kundër mbështetjes së ish-presidentit amerikan për Izraelin gjatë mandatit të tij
Ish-Presidenti amerikan Joe Biden u sulmua dhe u qëllua me objekte gjatë një vizite të paparalajmëruar në kryeqytetin irlandez Dublin, dhe sipas mediave irlandeze dhe britanike, u arrestuan dy persona.
83-vjeçari Biden mbërriti në Dublin me gruan e tij për të marrë pjesë në një ceremoni në Trinity College ku djali i tij Hunter u vlerësua me një medalje ari për “kontribute të shquara në debatin publik”, raporton Irish Times.
Ish-presidenti amerikan u ul në rreshtin e parë të sallës ceremoniale gjatë ceremonisë së ndarjes së çmimeve.
Mbërritja e tij ishte e panjoftuar, por publiku, sapo e vunë re, reagoi me duartrokitje të zjarrta.
Ndërhyrja e policisë
Gjatë një bisede me publikun pas fjalimit të tij, Hunter Biden e përshkroi bombardimin izraelit të Rripit të Gazës si “vrasje masive”, duke deklaruar se ajo që po ndodh në Gaza është plotësisht e gabuar dhe e pajustifikuar.
Ai gjithashtu mbrojti babanë e tij, duke thënë se ai mori vendimet më të mira bazuar në informacionin që kishte në atë kohë.
Pas ceremonisë, familja Biden u prit jashtë kolegjit nga protestues pro-palestinezë, të cilët po protestonin kundër mbështetjes së ish-presidentit amerikan për Izraelin gjatë mandatit të tij.
Disa protestues hodhën objekte të paidentifikuara drejt Bidenit, dhe policia ndërhyri duke përdorur sprej me piper dhe arrestoi dy persona, raportuan mediat britanike. /tesheshi.com/
