Franca do të kërkojë që ta mbrojë titullin e Kampionit të Botës dhe për ta bërë këtë duhet ta mposhtë Argjentinën në finalen e madhe të këtij kompeticioni.
Këto dy top-skuadra do të ndeshjen të dielën e 18 dhjetorit në stadiumin “Lusail Iconic”, me fillim nga ora 16:00.
Franca arriti në finale pasi e mposhti befasinë e madhe të këtij Botërori, Marokun me rezultat 2-0, kurse Argjentina e mposhti Kroacinë me rezultat 3-0.
Por, para kësaj finaleje, një ditë më parë, të shtunën do të zhvillohet ndeshja ndërmjet Kroacisë dhe Marokut e cila do të jetë e vlefshme për vendin e tretë.
Kjo sfide do të startojë nga ora 16:00 dhe do të zhvillohet në Khalifa International Stadium”.
