Klinika e Gjinekologjisë në Qendrën Klinike Universitare, vetëm brenda dy muajve të parë të vitit 2023 ka trajtuar 1 mijë e 542 paciente, të cilat kanë marrë shërbime obstetrike- gjinekologjike.
Ndërsa gjatë 24-orëve, klinika trajton mbi 200 paciente .
Gjatë kësaj periudhe janë kryer 799 lindje, prej tyre 289 me operacion, 98 si raste urgjente mjekësore.
Në këtë klinikë është aktivizuar zyra e informatave, e po ashtu është bërë përforcimi me staf profesional shtesë (nga stafi i brendshëm), në sallat e lindjes dhe repartet e tjera me ndjeshmëri.
