Presidentja Vjosa Osmani ka autorizuar dërgimin e trupave të FSK-së në Turqi, pas tërmeteve të njëpasnjëshme në këtë vend që i morën jetën qindra qytetarëve.
Këtë vendim ajo e ka marrë nën cilësinë e komandantes supreme.
“Presidentja e Republikës së Kosovës, Vjosa Osmani, në cilësinë e komandantes supreme, në pajtim me kompetencat saj kushtetuese, ka nënshkruar autorizimin për dërgimin e trupave të Forcës së Sigurisë së Kosovës në operacion ndërkombëtar humanitar në Republikën e Turqisë për t’i mbështetur përpjekjet e autoriteteve turke për tejkalimin e pasojave tragjike të tërmeteve të sotme”, thuhet në një komunikatë.
Tutje e para e shtetit njoftohet se ka shprehur solidaritet të plotë me popullin e Turqisë dhe ka deklaruar se Republika e Kosovës do të vazhdojë të ofrojë mbështetjen e nevojshme.
