Prokuroja e Përgjithshme e Izraelit, Gali Baharav-Miara, ka reaguar ndaj përpjekjes së qeverisë për ta shkarkuar nga posti, një vendim që aktualisht është pezulluar nga Gjykata e Lartë.
“Sipas ligjit, vendimi i qeverisë për të përfunduar mandatin tim është i paligjshëm,” tha ajo për gazetën Yedioth Ahronot.
Ajo shtoi se “presionet politike dhe veprimet në kundërshtim me ligjin nuk do të na ndalojnë të vazhdojmë detyrën me përgjegjësi, profesionalizëm dhe ndershmëri”.
“Do të vazhdojmë të ndihmojmë qeverinë në avancimin e politikave të saj në përputhje me ligjin, ta zbatojmë ligjin në mënyrë të barabartë dhe të mbrojmë sundimin e ligjit,” theksoi Baharav-Miara. /mesazhi
