Paris Saint Germain ka shënuar fitore të rëndësishme në ‘Parkun e Princave’ duke e mundur 2:1 Liverpoolin në ndeshjen e xhiros së pestë të fazës së grupeve të Ligës së Kampionëve.
Finalistët e sezonit të kaluar, kanë pësuar edhe humbjen e dytë radhazi në Ligën e Kampionëve, duke rrezikuar seriozisht kalimin në fazën e eliminimit direkt.Parisianët patën një pjesë të parë të jashtëzakonshme, duke krijuar shumë raste shënimi, ku arritën edhe të realizojnë dy herë.
Barnat në minutën e 13’ shënoi për epërsinë 1:0.Në minutën e 37’, Neymar dyfishoi epërsinë për 2:0, duke u gjetur mirë në zonën e mysafirëve.
Liverpool në minutën e fundit të pjesës së parë, arriti të ngushtonte epërsinë në 2:1, kur Milner shënoi nga penalltia.Pjesa e dytë edhe pse ishte me ritëm të lartë, nuk solli asnjë gol, duke bërë që PSG të fitoi këtë derbi me rezultat 2:1.
Ndeshjet e xhiros së fundit të këtij grupi janë shumë të rëndësishme, ku edhe do të përcaktohen se cilat skuadra do të kalojnë në fazën tjetër të Ligës së Kampionëve.
