Presidenti i Rusisë, Vladimir Putin, i ka premtuar rrymë të mjaftueshme për të kaluar krizën e dimrit Serbisë.
Siç shkruajnë mediat në Serbi, Putini ka pasur të shtunën një bisedë telefonike me presidentin serb, Aleksandar Vuçiq. Aty është diskutuar për situatën energjetike në botë dhe se Putini thuhet se i ka shprehur zotimin e Rusisë që t’i qëndrojë pas marrëveshjes së mëhershme dhe që Serbia të furnizohet mjaftueshëm me gaz për dimër.
Të dy kanë theksuar se lidhjet ekonomike mes Serbisë dhe Rusisë po forcohen vazhdimisht dhe se rasti për bashkëpunim të mëtejmë është edhe më i madh.
Vuçiqi thuhet se e ka falënderuar Putinin edhe për furnizimet ushtarake. /koha
