Të paktën katër presona u vranë dhe dy të tjerë u plagosën në orët e vona të së mërkurës në një seri grabitjesh me thikë në të gjithë Orange County në shtetin amerikan të Kalifornisë, raporton Anadolu Agency (AA0.
“Departamenti i Policisë Garden Grove (GGPD), është duke punuar në disa skena ku kanë ndodhur vrasjet. Vjedhje të shumta dhe goditje me thikë nga të dyshuarit. Një i dyshuar është arrestuar”, deklaruan zyrtarët në Twitter.
Sipas policisë, në qytetin Garden Grove, grabitja e armatosur me thikë filloi në një kompleks apartamentesh dhe disa çaste më vonë në një furrë buke rreth orës 4 të mëngjesit sipas kohës lokale (në ora 23:00 sipas kohës të Evropës Qendrore).
Policia tha se i dyshuari që po ngiste një Mercedes ngjyrë argjendi më vonë u kthye në kompleksin e apartamenteve, ku dyshohet se goditi me thikë dy persona, ku njëri prej tyre vdiq në vendngjarje, kurse tjetri vdiq nga plagët e marra në një spital.
Grabitja e armatosur vazhdoi në një pikë karburanti, në një restorant ushqimesh të shpejta dhe në një dyqan në orën 6:00 të mëngjesit. (01:00 sipas kohës të Evropës Qendrore) derisa i dyshuari përfundimisht u arrestua.
Departamenti i Policisë Santa Ana dhe GGPD bashkërisht janë duke hetuar incidentet.
