Ballina Lajmet Rajon dhe Botë Tërmet 5.6 ballë në Iran, dhjetëra të lënduar

Tërmet 5.6 ballë në Iran, dhjetëra të lënduar

Dhjetëra persona janë lënduar nga tërmeti që ndodhi në qytetin Khoy në provincën e Azerbajxhanit Perëndimor në veriperëndim të Iranit, transmeton Anadolu.

Kreu i Përgjithshëm i Menaxhimit të Krizave të Guvernatorit të Azerbajxhanit Perëndimor, Emir Abbas Jaferi, në një deklaratë për media tha se disa ndërtesa në qytetet Khoy dhe Salmas u dëmtuan nga tërmeti 5.6 ballë me qendër në qytetin Khoy.

“Si pasojë e tërmetit janë lënduar 82 persona në qytetet Khoy dhe Salmas”, tha ai.

Një tërmet me magnitudë 5.6 ballë u regjistrua mëngjesin e sotëm në qytetin Khoy në provincën e Azerbajxhanit Perëndimor të Iranit.

Qyteti Khoy, i vendosur në veriperëndim të Iranit pranë kufirit me Turqinë, u godit nga një tërmet 5.8 ballë më 28 janar. Mësohet se nga tërmeti humbën jetën 3 persona ndërsa rreth 1.200 ishin lënduar.