Një tërmet prej 5.9 ballësh sipas Rihterit goditi të dielën provincën Kermanshah në perëndim të Iranit, raporton Anadolu Agency (AA).
Qendra Sizmologjike pranë Universitetit të Teheranit, tha se tërmeti u regjistrua me epiqendër rajonin e Gilani Garbin, në një thellësi prej dhjetë kilometrash.
Epiqendra e tërmetit është në afërsi të kufirit Iran-Irak, duke bërë që të ndjehet edhe nga banorët e Bagdadit, Erbilit dhe Suleymaniyes.
Ende nuk ka të dhëna për dëmet të cilat mund t’i ketë shkaktuar dridhja e tokës.
