Një version i rifreskuar i Tesla Model Y mund të vijë në muajt e ardhshëm, sipas raportimeve të medieve të huaja.
Verën e kaluar, Tesla lansoi gjithashtu versionin e rifreskuar të Model 3.
Versioni i ri i sedanit të njohur elektrik nuk ka arritur ende në Amerikën e Veriut, dhe Tesla është përfolur se tashmë është duke përgatitur një rifreskim të Model Y, i cili është i lidhur ngushtë me automjetin Model 3.
Siç raportohet, versioni i përditësuar i SUV-it elektrik pritet të vijë me të njëjtat ndryshime të prezantuara në veturën Model 3, së bashku me disa veçori të tjera unike.
Tani një raport i ri nga Bloomberg pretendon se Tesla po përgatitet të nisë prodhimin e Model Y të rifreskuar në muajt e ardhshëm.
