Dhjetëra njerëz janë plagosur, me disa në gjendje kritike, pas përplasjes në Shibchar – rreth 80 km larg kryeqytetit Dhaka – mes paralajmërimeve se numri i të vdekurve mund të rritet.
Autobusi, i cili transportonte më shumë se 40 pasagjerë, po udhëtonte përgjatë autostradës së sapondërtuar të urës së lumit Padma kur depërtoi nëpër parmakë dhe ra disa metra në një kanal buzë rrugës, tha një zyrtar i policisë.
Shoferi, i cili mbeti i vrarë, duket se ka humbur kontrollin e mjetit pasi i ka plasur goma e autobusit, tha zyrtari, duke shtuar se shkaku i ngjarjes është duke u hetuar.
Pamjet nga vendi i ngjarjes tregojnë se autobusi është copëtuar ndërsa zjarrfikësit spërkasin ujë mbi mjetin e djegur.
Turma të mëdha u mblodhën gjithashtu rreth përplasjes, me autobusin që ishte anuar në njërën anë dhe xhami i tij ishte shpërndarë nëpër kanalin buzë rrugës.
Aksidentet rrugore janë të zakonshme në Bangladesh, shpesh fajësohen për drejtimin e pakujdesshëm, automjetet e vjetra dhe rregullat e dobëta të sigurisë duke vrarë mijëra njerëz çdo vit.
Në vitin 2018, një seri protestash masive studentore të shkaktuara nga vdekja e dy adoleshentëve, detyruan qeverinë e kryeministrit Sheikh Hasinaâ të miratonte rritjen e afatit maksimal të burgut në pesë vjet nga tre për shkak të vdekjes nga drejtimi i nxituar. /oranews
