Janë nxjerrë katër kufoma prej gjithsej 13 personave të zhdukur pas fundosjes së varkës me migrantë të padeklaruar në Dikili, në Izmir të Turqisë, raporton Anadolu Agency (AA).
Zhdukjen e migrantëve në orët e mëngjesit e lajmëruan dy migrantë të cilët shpëtuan duke notuar deri në breg. Më pas ekipet e rojës bregdetare filluan aksionin e shpëtimit përmes helikopterit dhe tre mjeteve të lundrimit.
Në varkë gjendeshin gjithsej 15 persona, në mesin e të cilëve 14 shtetas të Afganistanit dhe një nga Irani. Pas fundosjes janë zhdukur 13 persona, në mesin e të cilëve tre fëmijë.
Janë shpëtuar tre persona dhe janë nxjerrë kufomat e katër të tjerëve, ndërsa po kërkohen edhe gjashtë migrantë të padeklaruar.