Forcat izraelite kanë ndërmarrë bastisje në fshatin al-Lubban Asharqiya, në jug të qytetit Nablus në Bregun Perëndimor të pushtuar.
Sipas burimeve lokale të cituara nga agjencia Wafa, ushtarët izraelitë kanë përdorur armë zjarri dhe gaz lotsjellës, duke shkaktuar përplasje me banorët. Deri tani nuk raportohet për të lënduar.
Në qytetin Deir Ghassana, në veriperëndim të Ramallahut, dy vëllezër palestinezë janë arrestuar nga ushtarët izraelitë pas një bastisjeje në shtëpinë e tyre.
Gjithashtu në Ramallah, kolonët izraelitë po vazhdojnë ndërtimin e një vendbanimi të paligjshëm pranë fshatit al-Mughayyir, ku më herët gjatë ditës forcat izraelite kanë ndaluar disa besimtarë brenda xhamisë lokale.
Ndërkohë, kolonët izraelitë kanë sulmuar toka palestineze në qytetin Sinjil, në veri të Ramallahut, duke i vënë flakën pemëve të ullirit. /mesazhi
