Pas dështimit në ‘Anfield Road’ ndaj Liverpool, Barcelona ka dështuar edhe në Sevilla, në përballjen finale të Kupës së Mbretit, kundër Valencias.
Skuadra katalane është mposhtur me rezultatin 1:2, duke bërë që pozita e Ernesto Valverde të dridhet seriozisht.
Valencia zhbllokoi rezultatin qysh në minutën e 21’ të takimit, duke shënuar me anë të Kevin Gameiro, shkruan lajmi.net.
Ata nuk u ndalën me kaq, dhe qysh në minutën e 33’ realizuan edhe golin e dytë, me anë të Rodrigo.
Me këtë rezultat u mbyll pjesa e parë, me një Barcelonë të dobët sa se kemi parë më herët.
Pjesa e dytë ishte diçka më e mirë për katalanët, të cilët filluan sulmet e njëpasnjëshme drejt Valencias.
Ishte minuta e 73’ kur Lionel Messi realizoi për 1:2, por goli i argjentinasit ishte i pamjaftueshëm në fund.
Kështu, Barcelona e mbyll sezonin vetëm me një trofe të fituar, atë të La Liga, duke bërë kështu që pozita e Valverdes të jetë në pikëpyetje të madhe.
