Kompania gjithashtu theksoi se Windows 10 Home, Pro, Enterprise dhe Education nuk do të marrin përditësime sigurie pas datës 14 Tetor 2025.
Microsoft njoftoi fundin e Windows 10-ës, sistemit operativ më popullor në botë. Dhe vendimi do të lërë miliona përdorues me një ngarkesë financiare.
Lajmin e dha vetë kompania përmes një axhende të përditësua të produktit duke thënë se versioni aktual Windows 10 22H2 lançuar në Tetor të 2022, është përditësimi i fundit.
Kompania gjithashtu theksoi se Windows 10 Home, Pro, Enterprise dhe Education nuk do të marrin përditësime sigurie pas datës 14 Tetor 2025.
“Inkurajojmë kalimin në Windows 11,” tha menaxheri i produktit të Microsoft Jason Leznek.
Për fat jo të mirë, për miliona përdorues Windows në mbarë botën, një gjë e tillë nuk do të jetë kaq e lehtë. Edhe pse kompania pretendoi në 2015-ën se Windows 10-ta do të ishte versioni i fundit i Windows, në 2021 lançoi Windows 11-ën me kërkesa më të larta hardueri duke lënë jashtë shumë kompjuterë dhe laptopë të vjetër.
Aspekti më kontrovers i këtij versioni Windows ishte sepse kërkon Trusted Platform Module (TPM) 2.0 lançuar në 106-ën.
Disa pllaka amë të vjetra që mund të shtojnë modulin TPM për afro 50 dollarë por mbështetja e Windows për këtë zgjidhje ka qenë problematike.
Mbi të gjitha, Windows 10 zë afro 70 përqind të tregut Windows me Windows 11-ën që gjendet vetëm në 20 përqind. Microsoft ka hasur në vështirësi kur bëhet fjalë për bindjen e përdoruesve të kalojnë në Windows 11-ën.
Nëse do të ndryshojë diçka, tani është momenti pasi njoftoi “vdekjen” e Windows 10-ës.
