Zimbabveja ka ndaluar internetin për kohë të pacaktuar, si masë për shtypjen e protestave kundër rritjes së çmimeve të karburanteve.
Operatori më i madh celular në vend – Econet – tha se është urdhëruar t’i shkurtojë shërbimet deri në njoftimin e radhës.
Qasja në Facebook, WhatsApp dhe Twitter ka qenë e bllokuar prejse kanë shpërthyer protestat të hënën.
Së paku tre vetë janë vrarë dhe 600 persona janë arrestuar.
Kombet e Bashkuara i bënë thirrje Qeverisë së Zimbabvesë që forcat e saj të sigurisë të ndalojnë “përdorimin e tepruar të forcës”.
Qeveria i ka fajësuar grupet e opozitës për protestat.
Presidenti i Zimbabvesë, Emmerson Mnangagwa, ka thënë se rritja e çmimeve të karburanteve ka për qëllim të adresojë mungesën e shkaktuar nga rritja e përdorimit dhe tregtia “e shfrenuar” ilegale.
Lexo më shumë në: https://www.gazetaexpress.com/lajme/zimbabveja-ndalon-internetin-per-shkak-te-protestave-617301/?utm_source=referral&utm_medium=web&utm_campaign=copyright
