Njëmbëdhjetë persona vdiqën pas një zjarri të rënë në një qendër banimi për persona të moshuar në vështirësi financiare, në veri të Japonisë, bënë të ditur sot forcat e rendit.
Forcat e shpëtimit janë vënë në dijeni pak para mesnatës (23:42 ose 14:42 GMT) të zjarrit të rënë në Sapporo, në ishullin e Hokkaido.
Pamjet e transmetuara në televizion shfaqin ndërtesën trekatëshe të përshirë nga flakët, me praninë e dhjetëra forcave zjarrfikëse të mobilizuar në një peizazh me dëborë.
Viktimat, tetë burra dhe tre gra renditen në mesin e 16 banorëve të qendrës pritëse nën drejtimin e një organizate lokale. Pesë banorë të tjerë kanë marrë plagë të lehta. Ndërkohë ka nisur hetimi për të zbardhur shkaqet e zjarrit, sipas të dhënave të policisë.
