Është bërë e qartë se Threads do të ketë një vend të veçantë në historinë e lançimeve të rrjeteve sociale. Por pse po rritet kaq shpejt?
Threads është shndërruar në një hit të vërtetë ndërsa ditën e sotme regjistrimet arritën në 70 milionë tha CEO i Meta Mark Zuckerberg.
Vetë Zuckerberg ka 2.1 milionë ndjekës në platformë të cilët 2 ditë më parë nuk ekzistonin fare.
“Ka tejkaluar pritshmëritë tona,” shkruante CEO i Meta.
Është bërë e qartë se Threads do të ketë një vend të veçantë në historinë e lançimeve të rrjeteve sociale. Por pse po rritet kaq shpejt?
Meta ka kredibilitet
Ndërsa Twitter është përfshirë në telashe herë pas here në 9 muajt e fundit që kur Elon Musk mori drejtimin, shumë alternativa janë shfaqur si Mastodon, Discord, Post, Cohost, Bluesky etj.
Secili prej tyre ka parë aktivitetin herë të rritej e herë të ulej. Por Meta ka kredibilitet: ka 4 miliardë përdorues në platformat e saj:
Facebook
WhatsApp
Messenger
Instagram
Meta gjithashtu e di se si funksionon një rrjet social dhe sesi të ndërtojë platforma të suksesshme.
Threads zgjidhi problemin e nisjes nga e para
Çdo aplikacion apo platformë e re ka një problem të madh: nisjen nga e para. Ju i bashkoheni një rrjeti social apo aty nuk gjeni askënd, as miq e as përmbajtje.
Meta e zgjidhi këtë problem duke e mbështetur platformën mbi një platformë tjetër të provuar: Instagram. Kjo do të thotë se nga dita e parë keni miq, kontakte e përmbajtje në të.
Kohështrirje algoritmike
Sado që njerëzit e urrejnë, kohështrirja algoritmike në Twitter shpeshherë është më e mirë sesa kohështrirja me postimet e personave që ndiqni. Në të njëjtën mënyrë kohështrirja algoritmike e Threads sugjeroi përmbajtje të forta që në ditën e parë.
Meta ka mësuar nga Facebook dhe Instagram dhe rivali si TikTok që i mësuan kompanisë se kjo lloj kohështrirje ngjall më tepër aktivitet në platformë.
Pakënaqësia me Twitter
Nuk është aspak sekret se Elon Musk pushoi nga puna ¾ e stafit të Twitter, dëboi njerëz nga platforma, vendosi standardet e tij të fjalës së lirë, kufizoi funksionalitetet kundrejt pagesës dhe mori disa vendime të çuditshme siç ishte kufizimi i numrit të cicërimave që mund të shohë në ditë një përdorues.
Shumë përdorues janë shprehur të pakënaqur me këto vendime e disa kanë gjetur qetësi në Mastodon, Post ose Bluesky.
Ska alternativa të tjera
Nëse keni qenë duke kërkuar strehim përtej Twitter, Mastodon ishte shumë i fragmentuar, Post tepër i vogël dhe Bluesky ende në një botë fantazie me sistem ftesash.
Facebook është ai që njohim ndërsa Instagram vëmendjen e vërtetë e ka tek imazhet. Reddit është fantastik por është një platformë konsumi dhe jo transmetimi.
Realisht nuk ka alternativa të mira dhe Threads plotëson të gjitha kushtet.