Interi ka arritur të marrë fitore në ndeshjen e xhiros 36 në Seria A, ndaj Empolit.
‘Nerrazzurërt’ ishin nikoqir të Empolit në ndeshjen e vlefshme për ligën italiane, të cilën e fituan me përmbysje 4:2.
Ishin fillimisht mysafirët që kaluan në epërsi prej dy golash, me anë të Pinamonti dhe Asllanit.
Por festa e tyre nuk zgjati shumë, pasi Interi shënoi dy gola të shpejtë pa përfunduar pjesa e parë, shkruan lajmi.net.
Në minutën e 40`, Romagnoli shënoi autogol për të ngushtuar epërsinë, ndërsa pas vetëm 5 minutash shënoi Lautaro Martinez për 2:2.
Pjesa e dytë ishte më e mirë për ekipin vendas.
Po zhvillohej minuta e 64` kur Lautaro shënoi golin e tretë për Interin dhe të dytin personal në këtë takim.
Për epilogun përfundimtar 4:2 u përkujdes Alexis Sanchez, i cili shënoi në kohën shtesë.
Kështu Interi nuk u befasua në shtëpi dhe mposhti me përmbysje Empolinë.
Pas kësaj fitore ekipi i Simone Inzaghit vazhdojnë garën për titull me 78 pikë, në vendin e parë, por Milani ka një ndeshje më pak të zhvilluar.