Sipas ushtrisë së Koresë së Jugut, Koreja e Veriut ka lëshuar të paktën një raketë antinëndetëse.
”Raketa fluturoi drejt Detit të Japonisë, i njohur gjithashtu si Deti Lindor”, njoftoi sot Shtabi i Përgjithshëm i ushtrisë koreano-jugore.
Fillimisht ishte e paqartë se sa larg fluturoi dhe nëse ishte një raketë balistike.
Rezolutat e OKB-së e ndalojnë Korenë e Veriut të testojë raketa të tilla, të cilat mund të mbajnë një kokë bërthamore.
Vendi kishte testuar disa herë raketa që nga fillimi i këtij viti, duke përfshirë një raketë balistike ndërkontinentale.
Së fundmi, Koreja e Veriut testoi një raketë balistike të mërkurën, sipas Koresë së Jugut dhe Japonisë.
Mbeti e paqartë saktësisht se çfarë lloji ishte.
Pheniani është subjekt i sanksioneve të ashpra ndërkombëtare për shkak të programit të tij të armëve bërthamore. /atsh
