Muaji i shenjtë i besimtarëve mysliman, bënë që kompeticioni i Kupës së Afrikës, të ndërrojë datat.
Kupa e Afrikës që do të mbahet këtë verë në Egjipt do të fillojë një javë më vonë, për t’u lënë hapësirë futbollistëve të besimit islam të kenë kohë të pushojnë pas muajit të shenjtë të Ramazanit.
Këtë lajm e ka konfirmuar edhe vendi organizator i këtij turneu.
“Vendimi është marrë pas kërkesave nga shtetet si, Maroku, Tunizia dhe Algjeria, të cilat kanë dashur që lojtarët e tyre të kenë pak kohë për të pushuar pas Ramazanit”, ka deklaruar drejtori i organizimit të këtij turneu Mohamed Fadl.
Kupa e Kombeve të Afrikës, ishte paraparë të luhej nga 15 qershori deri më 13 korrik, kurse tani do të fillojë më 21 qershor dhe finalja do të zhvillohet më 19 korrik.
