Skuadra e Liverpoolit ka vazhduar me fitore.
Liverpool ka shënuar fitoren e dytë në dy ndeshjet e para të Premier Ligës, shkruan lajmi.net.
“The Reds” mposhtën sot Burnleyn me rezultat të pastërt 2-0.
Vendasit e nisën ndeshjen furishëm, duke dëshmuar që kanë hyrë në lojë me të vetmin qëllim të marrin tre pikë.
Golin e parë e gjetën në min e 18’ përmes Diogo Jotas që realizoi gol të bukur me kokë.
Në min e 27’ shënoi Mohamed Salah, por që u anulua pas rishikimit në VAR shkaku i pozitës jashtë loje, me rezultat 1-0 u mbyll pjesa e parë.
Në pjesën e dytë mysafirët u treguan më të rrezikshëm në fillim duke tentuar barazimin, por ishte Sadio Mane ai që shënoi për 2-0 në min e 69’ duke vulosur fitoren e Liverpoolit.
Me këtë fitore ekipi i Jurgen Kloop ka gjashtë pikë pas dy ndeshjeve të para, në anën tjetër Burnley është ende pa pikë.
