Ish-trajneri i Barcelonës dhe Spanjës, Luis Enrique është emëruar si trajneri i ri i Paris Saint-Germain në një marrëveshje dyvjeçare, njoftuan të mërkurën kampionët francezë.
53-vjeçari, i cili kishte qenë i lirë që kur u shkarkua si trajner i Spanjës dhjetorin e kaluar, zëvendëson Christophe Galtier pasi largimi i tij nga klubi u konfirmua më herët gjatë ditës.
Luis Enrique u prezantua nga PSG në një konferencë shtypi së bashku me presidentin e klubit, Nasser al-Khelaifi, në kompleksin e tyre të ri stërvitor në Poissy, në veriperëndim të kryeqytetit francez.
“Jam i lumtur që i bashkohem Parisit për të shijuar një përvojë të re”, tha Luis Enrique, përcjellë KoosvaPress.
“Është shumë emocionuese të takosh njerëz të rinj, të jetosh në këtë qytet, të mësosh një gjuhë të re dhe, mbi të gjitha, të menaxhosh PSG-në”, theksoi ai.
