Sadio Mane tashmë është pajtuar me të gjitha kushtet për të kaluar te Bayern Munich.
Siç raporton Fabrizio Romano, të martën lojtari do të udhëtojë për në Gjermani për t’i përfunduar vizitat mjekësore para se të nënshkruajë kontratë me bavarezët, transmeton lajmi.net.
Mësohet se shuma e transferimit të senegalezit te kampionët gjermanë do të sillet rreth 42 milionë funte.
Lojtari pritet të nënshkruajë kontratë pesëvjeçare, që do ta mbajë atë në “Allianz Arena” deri në vitin 2027.
