Presidenti i Algjerisë, Abdelmadjid Tebboune, ka filluar një vizitë 3-ditore në Rusi për bisedime mbi nxitjen e bashkëpunimit dypalësh, transmeton Anadolu.
Presidenca algjeriane njoftoi se vizita vjen pas një ftese nga presidenti rus, Vladimir Putin, për bisedime mbi forcimin e bashkëpunimit midis Algjerisë dhe Rusisë.
Siç raporton agjencia shtetërore ruse e lajmeve ‘TASS’, bisedimet midis dy presidentëve do të fokusohen në partneritetin strategjik midis Algjerisë dhe Rusisë, si dhe në një mori çështjesh ndërkombëtare, përfshirë zhvillimet në Lindjen e Mesme dhe rajonin e Sahelit.
Diskutimet gjithashtu do të fokusohen në bashkëpunimin energjetik në kuadër të Organizatës së Vendeve Eksportuese të Naftës (OPEC+).
Gjatë vizitës, Tebboune do të marrë pjesë në Forumin Ekonomik Ndërkombëtar në qytetin rus Shën Petersburg, që do të mbahet në datat 14-17 qershor.
Organizuar çdo vit që nga viti 1997, Forumi i Shën Petersburgut diskuton çështjet kryesore ekonomike me të cilat përballet Rusia, tregjet në zhvillim dhe bota.
Vizita e presidentit algjerian fillimisht ishte planifikuar për në muajin maj, por nuk u zhvillua për arsye të pa njohura.
Algjeria, sipas shifrave zyrtare të vendit, është partneri i dytë tregtar i Rusisë në Afrikë, me një vëllim këmbimi prej afër 3 miliardë dollarësh në vitin 2021.
Raportet ndërkombëtare tregojnë se Algjeria është importuesi i tretë i armëve ruse, ndërsa Moska konsiderohet financuesi i parë i ushtrisë algjeriane me armë dhe sisteme ushtarake me më shumë se 50 për qind.
🇩🇿🇷🇺| Arrivée du président de l’#Algérie, Abdelmadjid #Tebboune, à Moscow en #Russie, pour une visite d’État d’une durée de 3 jours. Le président participera au Forum Économique International à Saint-Petersburg. Une importante délégation accompagne le président de la République. pic.twitter.com/zIlGosbwvy
— The Algerian Post (@TheAlgiersPost) June 13, 2023
